F-1.az xatırladır ki, ispaniyalı sürücü ilk 3 yarışda komanda yoldaşı Hülkenberqə qarşı üstünlük qazana bilməyib. Almaniyalı sürücü 22 xal topladığı halda, Sayns 3 xalla kifayətlənib.
Karlos Sayns: “Niko sıralanma turunda çox güclüdür. Məncə, həmişə elə idi və bu bolidlə özünü daha yaxşı göstərir. Bolidi yaxşı başa düşür. Bunu görmək mümkündür. Kiçik taktikaları var. Bunlara görə sıralanma turunda güclü olur. Onları kəşf edib uyğunlaşmağa davam edirəm. Boliddə bir ildən çox təcrübəsi var və yarışlara çıxanda ona üstünlük qazandırır. Keçənilki yarışdan sonra bolidin dəyişikliklərə olan reaksiyasını tez anlayır. O çox sürətli sürücüdür və təcrübəlidir. Bunu görmək mümkündür. Trasa çıxanda nə etdiyini bilir. Mən isə idmanda 4-cü mövsümümü keçirirəm. Bolidi öyrənməyə davam edirəm. Yavaş-yavaş ona çatıram”.
