F-1.az xatırladır ki, Rəykkönen ikinci sərbəst yürüşlərdə Həmiltondan bir saniyə geridə qalaraq, 8-ci yeri tutub. Rəykkönenin komanda yoldaşı Sebastyan Fettel isə ikinci nəticə göstərib.
Kimi Rəykkönen: “Qətiliklə deyə bilərəm ki, ideal gün deyildi. Bolidi heç cür başa düşə bilmədik. Çətin günlərdən biri idi. Bolidin idarəetməsini yaxşılaşdırmaq istəsək də, alınmadı.
Bəzən trasın şəraiti tez-tez dəyişir və nə etsəniz də, heç biri işə yaramır. Bu gün də elə bir gün idi. Bir neçə şey sınadıq və bunları sabah da sınamalıyıq”.
Fettel isə daha nikbin görünürüb. Almaniyalı sürücü seansı Həmiltondan 0.257 saniyə geridə, ikinci yerdə başa vurub
Sebastyan Fettel: “Bolid burada özünü yaxşı aparır. Porebriklərə görə çox çətin bir gün keçirdik. Təkmilləşə biləcəyimiz sahələr var, ancaq ümumi götürsək, bolid yaxşı vəziyyətdədir. Buraya gətirdiyimiz detallar istədiyimiz performansı verdilər”.
