F-1.az xatırladır ki, Avstraliyada yarışın startında Kevin Maqnussenin maşınında təkər partladığı üçün rəqiblərindən 1 dövrə geriyə düşüb, amma daha sonra yarışa təhlükəsizlik avtomobili girib və danimarkall sürücü yarışı 12-ci yerdə bitirib.
Maqnussen bildirib ki, Avstraliyada komandanın tempi istənilən səviyyədə olmayıb: “Yarışdakı performansımıza və qazandığımız nəticələrə baxsaq görərik ki, hələ də inkişaf etməliyik. Biz bunu bacarıb bolidin sürətini artırsaq, qələbə uğrunda mübarizə apara bilərik.
Bizim yaxşı sistemimiz var və səhvlərimizin üstündə işləyirik. Mən bilirəm ki, mövsümə pis başlamışıq, amma ümid edirəm ki, növbəti yarışlarda rəqabətədavamlı olacayıq.
Düzünü desək, Bəhreyn trası elə də həyəcanlı tras deyil. Təkərlərin tez qızması bütün komandaların ən böyük problemi olacaq. Təkərləri daha yaxşı istifadə edən və doğru strategiya seçən komandalar yarışı podiumda bitirəcəklər.
Bəhreyndə 4 uzun düzlük var və buna görə də güclü mühərriyi olan komandalar ən böyük favorit olacaqlar. Biz də yaxşı xallar qazanmaq üçün mübarizə aparacayıq. Səbrsizliklə yarışı gözləyirəm və çox həyəcanlıyam”.
