F-1.az bildirir ki, ispaniyalı yarışçı cəmi bir mövsümlük müqavilə imzalamağa razılaşıb, ona görə də tərəflər razılaşmayıb. Bir neçə ildən sonra Fernando öz təşəbbüsü ilə Red Bull-a xidmətlərini təklif edib, lakin komandada artıq Sebastyan Fettel var idi və məsələ əsaslı müzakirəyə qədər gəlib çıxmayıb.
Kristian Horner bu barədə Motor Sport Magazine-ə danışıb: “Biz razılığa gəlməyə çox yaxın idik. Mən onun nümayəndəsi ilə görüşdüm, Fernandoya 2008 və 2009-cu illər üçün iki illik müqavilə təklif etdik, lakin o, cəmi bir mövsümlük müqavilə imzalamağa razı oldu. Red Bull və komandamızın sahibi aydın mövqe tutdular – ya iki illik müqavilə, ya da heç nə, Fernando isə bizimlə müqavilə imzalamadı.
Biz sonra fikirləşdik ki, onun artıq 2009-cu il üçün Ferrari ilə müqaviləsi var. Flavio Briatore ilə bağlı qəribə bir hekayə oldu. Daha sonra rəhbərlik etdiyi Renault-ya Fernandonu qaytarmağa çalışıb. Nəticədə Alonso iki mövsüm Renault-da çıxış edib.
2009-cu ilin ortalarında Fernandonun adamları mənə yaxınlaşıb dedilər ki, o, gələn mövsüm Red Bull-a keçib, bizim maşında titul qazana bilər. 2011 və ya 2012-ci illərdə Fernando ilə Spa hava limanında Alfa Romeonun arxa oturacağında başqa bir söhbətimiz oldu, lakin yenə də ən ciddi danışıqlar ilk dəfə olan idi. Sonra fürsəti əldən verdi”.
