F-1.az xatırladır ki, FİA iyul ayında sürücünün boksla radio danışıqlarına məhdudiyyət qoyaraq, pilotların öz istedadı hesabına yarışmasını planlaşdırmışdı.
Jan Alezi bu haqda fikirlərini bildirib: “Radio danışıqlarını məhdudlaşdırmaq doğru deyil. Mühəndis, pit komandası və pilot arasında çoxlu məlumat alış-verişi olur. Ancaq bir pilotun yarışda nələr edə biləcəyini görməliyik.
Formula 1-i daha cəlbedici etmək üçün radio danışıqlarını mütəşəkkil qaydaya salmaq lazımdır”.
Alezi turbo mühərriklər barədə də danışıb: “Çox faydalıdırlar, ətraf mühit üçün yaxşıdırlar və texnologiya cəhətdən çox inkişaf ediblər, ancaq avtoidman üçün çox səssizdirlər…”
