F-1.az xatırladır ki, Vilnövün Formula1 karyerası 1996-cı ildə Williams komandası ilə başlayıb. O 1997-ci ildə Dünya Çempionu titulunu qazanın. Kanadalı sürücü daha sonra BAR, Renault və Sauber BMW komandalarında çıxış edib və 2006-cı ildə F1 karyerasını bitirib.
Vilnöv öz karyerasını dəyərləndirib: “Heç nəyə görə peşman deyiləm, amma karyeramla bağlı bəzi səhvlər etdim. Məsələn, 2002-ci ildə Renault-dan təklif gəlməsinə baxmayaraq, BAR komandası ilə müqaviləmi yenilədim. Bu mənim ən böyük səhvim idi”.
Qeyd edək ki, Renault komandasının sürücüsü Fernando Alonso 2005-ci və 2006-cı illərdə Dünya Çempion titullarını qazanmışdı.
Kanadalı sürücü 1997-ci ildə də səhv etdiyini deyib: “1997-ci ildə çempion olandan sonra McLarendən transfer təklifi aldım. Ədriən Nyui məndən xahiş etdi ki, BAR komandasına getməyim, McLaren-ə qoşulum. O Williams-da mənim nələrə qadir olduğumu görmüşdü. Məni sevirdi və bir-birimizə hörmət edirdik”.
McLaren komandasınin sürücüsü Mika Həkkinen isə 1998-ci və 1999-cu illərdə Dünya Çempionu titullarını qazanmışdı.
