McLaren Alonsonun mühərriyini iki dəfə dəyişib. Səhər onun maşınına mühərriyin ən yeni versiyası qoyulub. İkinsi sessiyadan əvvəl isə Spada istifadə etdiyi mühərriyə qayıdıb və buna görə də, xeyli vaxt itirib. Red Bull sürücülərinin növbəti yarışlarda cərimələnməsindən qaçmaq üçün keçidlərin bol olduğu Monstada əlavə motorlar götürüb – komandanın hər iki sürücüsü və Karlos Sayns bu səbəbə görə startda yer itirəcəklər.
F-1.az bildirir ki, ikinci sessiyada komandalar müxtəlif təkər tərkiblərinin aşınmasını qiymətləndirmək üçün ənənəvi proqramla çıxış ediblər. Startdan 39 dəqiqə sonra Stroll Ascari döngəsində yerində fırlanıb. Bir saat tamam olduqda isə Saynsın maşını tüstülənib və ispan sürücü sessiyanı yarımçıq qoymalı olub. Hülkenberq də hidravlik sistemdəki problemlər ucbatından sessiyanın böyük hissəsini buraxmalı olub.
Sessiyanın sonunda Maqnussen maşınının arxa asılqanı qırıldığından trasda dayanmalı olub və Virtual Təhlükəsizlik Maşını rejimi elan olunub. Kvyat da texniki problemlərə görə sessiyanı tamamlaya bilməyən sürücülərə qoşulub.
Protokollara Həmiltonu cüzi fərqlə qabaqlayan Bottas başçılıq edib – 1:21.406. Məşqlər sabah səhər davam edəcək…
| Yer | N | Sürücü | Komanda | Zaman | Fərq | Dövrə |
| 1 | 77 | Valtteri Bottas | Mercedes AMG | 1:21.406 | – | 25 |
| 2 | 44 | Lyuis Həmilton | Mercedes AMG | 1:21.462 | + 0:00.056 | 24 |
| 3 | 5 | Sebastyan Fettel | Ferrari | 1:21.546 | + 0:00.140 | 33 |
| 4 | 7 | Kimi Rəykkönen | Ferrari | 1:21.804 | + 0:00.398 | 34 |
| 5 | 33 | Maks Ferstappen | Red Bull | 1:22.409 | + 0:01.003 | 34 |
| 6 | 3 | Daniel Rikkardo | Red Bull | 1:22.752 | + 0:01.346 | 22 |
| 7 | 2 | Stoffel Vandorn | McLaren | 1:22.947 | + 0:01.541 | 31 |
| 8 | 14 | Fernando Alonso | McLaren | 1:22.968 | + 0:01.562 | 31 |
| 9 | 31 | Esteban Okon | Force İndia | 1:22.977 | + 0:01.571 | 43 |
| 10 | 19 | Felipe Massa | Williams | 1:22.985 | + 0:01.579 | 42 |
| 11 | 55 | Karlos Sayns | Toro Rosso | 1:23.150 | + 0:01.744 | 21 |
| 12 | 27 | Niko Hülkenberq | Renault | 1:23.272 | + 0:01.866 | 14 |
| 13 | 30 | Colion Palmer | Renault | 1:23.317 | + 0:01.911 | 34 |
| 14 | 11 | Serxio Peres | Force İndia | 1:23.352 | + 0:01.946 | 43 |
| 15 | 18 | Ləns Stroll | Williams | 1:23.403 | + 0:01.997 | 36 |
| 16 | 8 | Roman Qrojan | Haas | 1:23.567 | + 0:02.161 | 31 |
| 17 | 20 | Kevin Maqnussen | Haas | 1:23.650 | + 0:02.244 | 20 |
| 18 | 26 | Daniil Kvyat | Toro Rosso | 1:24.253 | + 0:02.847 | 28 |
| 19 | 9 | Markus Eriksson | Sauber | 1:24.894 | + 0:03.488 | 39 |
| 20 | 94 | Paskal Verlyayn | Sauber | 1:25.295 | + 0:03.889 | 25 |
