F-1.az xəbər verir ki, sıralanma turunun böyük əhəmiyyət daşığıdı Barselonada hava növbəti iki vacib sessiya üçün də proqnozlaşdırıldığı kimi, isti olub. Lakin əksər komandalar proqramlarının böyük hissəsini dünən yerinə yetirdiklərindən, trasda intensivlik nəzərə çarpmayıb.
Medium və Soft təkərlərlə işləyənlər çoxluq təşkil edib. Hard təkərlər çox sərt olduğundan və sürüşdüyündən, az istifadə olunub. Rəykkönen asılqanlarda edilən dəyişikliklərə görə sessiyanın böyük hissəsini boksda keçirib. Sakit keçən məşqlərin sonlarında Maqnussenin Okonun önündə qəfil əyləcə basması fransız sürücünün qəza etməsinə səbəb olub.
Okon müayinə üçün tibbi mərkəzə göndərilib, lakin onun səhhətində heç bir problem aşkarlanmayıb. Renault mexaniklərinin üzərinə sıralanma turunun startına qədər xeyli iş düşür.
Protokollara 1:17.222-lik nəticə ilə Lyuis Həmilton başçılıq edib. Bottas ona cüzi fərqlə, Ferstappen isə yarım saniyə uduzub.
Sıralanma turu Bakı vaxtı ilə 17:00-da başlayacaq…
| Yer | N | Sürücü | Komanda | Zaman | Fərq | Dövrə |
| 1 | 44 | Lyuis Həmilton | Mercedes AMG | 1:17.222 | – | 12 |
| 2 | 77 | Valtteri Bottas | Mercedes AMG | 1:17.373 | + 0:00.151 | 13 |
| 3 | 33 | Maks Ferstappen | Red Bull | 1:17.737 | + 0:00.515 | 10 |
| 4 | 55 | Karlos Sayns | McLaren | 1:18.046 | + 0:00.824 | 18 |
| 5 | 11 | Serxio Peres | Racing Point | 1:18.096 | + 0:00.874 | 16 |
| 6 | 16 | Şarl Lekler | Ferrari | 1:18.193 | + 0:00.971 | 15 |
| 7 | 10 | Pyer Qasli | AlphaTauri | 1:18.211 | + 0:00.989 | 13 |
| 8 | 18 | Ləns Stroll | Racing Point | 1:18.309 | + 0:01.087 | 16 |
| 9 | 23 | Aleksander Elbon | Red Bull | 1:18.371 | + 0:01.149 | 13 |
| 10 | 3 | Daniel Rikkardo | Renault | 1:18.384 | + 0:01.162 | 12 |
| 11 | 31 | Esteban Okon | Renault | 1:18.602 | + 0:01.380 | 18 |
| 12 | 5 | Sebastyan Fettel | Ferrari | 1:18.707 | + 0:01.485 | 15 |
| 13 | 8 | Roman Qrojan | Haas | 1:18.710 | + 0:01.488 | 14 |
| 14 | 7 | Kimi Rəykkönen | Alfa Romeo | 1:18.721 | + 0:01.499 | 11 |
| 15 | 4 | Lando Norris | McLaren | 1:18.803 | + 0:01.581 | 23 |
| 16 | 26 | Daniil Kvyat | AlphaTauri | 1:18.852 | + 0:01.630 | 15 |
| 17 | 20 | Kevin Maqnussen | Haas | 1:18.940 | + 0:01.718 | 15 |
| 18 | 99 | Antonio Covinatsi | Alfa Romeo | 1:19.175 | + 0:01.953 | 13 |
| 19 | 63 | Corc Rassell | Williams | 1:19.297 | + 0:02.075 | 16 |
| 20 | 6 | Nikolas Latifi | Williams | 1:19.764 | + 0:02.542 | 16 |
