Quru. Buludlu. Havanın temperaturu +18°-19° C, trasın temperaturu +21°-24° C

Şənbə günü səhər sürücülər sıralanma turu və yarışa hazırlıqlarını davam etdiriblər: komandalar dünən topladıqları məlumatları təhlil edərək sazlanmalara düzəlişlər ediblər. Səmanı buludlar örtsə də hava xoş olub, külək də dünənkindən zəif əsib. Bir çox dəstək seriyaların çıxışlarından sonra trayektoriya da işlənmiş rezinlə örtülüb.

Sessiyanın ilk yarısında sürücülər uzun dövrələr seriyasında işləyiblər, sonra isə Medium tərkibində sıralanma turuna hazırlığa başlayıblar. Sessiya ciddi insidentsiz ötüşüb, protokollara Felipe Massa başçılıq edib – 1:21.901. Nəticələr çox sıx alınıb və ilk 11 nəticə bir saniyəyə yerləşib – sıralanma turunda mübarizə gərgin olacaq…

Nəticələr belə olub:

Quru. Günəşli. Havanın temperaturu +27°-29° C, trasın temperaturu +33°40-° C

Dünən axşam komandalar topladıqları məlumatları təhlil ediblər və səhər maşınları sıralanma turu və yarışa hazırlamağa başlayıblar. Hava günəşli olub, dəstək yarışlarından sonra isə asfalt işlənmiş rezinlə örtülüb, asfaltla ilişmə artıb.

Səhər FİA-nın texniki xidmətləri 19 maşında motorun, 5 maşında isə ötürmələr qutusunun dəyişdirilməsini elan ediblər – əvəzləmələr reqlament çərçivəsində olduğu üçün heç kim cərimə olunmayıb.

Sessiyanın startından 17 dəqiqə sonra Roman Qrojanın maşını trasda dayanıb – yanacaq sisteminin problemləri üzündən motor sönüb, sürücü bir daha trasa qayıtmayıb. Sessiyanın sonunda isə mexaniklər Timo Qlokun maşınında problemlər üzə çıxarıblar və sürücüdən maşını dayandırmasını tələb ediblər.

Son dəqiqələrdə sürücülər sıralanma turunu imitasiya ediblər, bəzi sürücülər trafikə dşüblər və protokollara Sebastyan Fettel başçılıq edib.

Nəticələr belə olub:

Quru. Günəşli. Havanın temperaturu +23° C, trasın temperaturu +33° C

Dünən komandalar hazırladıqları yeniliklərin effektliyinin yoxlanması və yeni hard tərkibin qiymətləndirilməsi ilə məşğul olmuşdular. Ona görə də bu gün sazlanmaların axtarışına həsr olunmalı idi.

Sessiya başlayandan 25 dəqiqə sonra Haydfeldin maşını od tutub yanıb. Almaniyalı sürücü onuncu döngədə maşını saxlayarkən maşının arxa hissəsini alov tam bürüyüb. Əllərində yanğınsöndürənlər olan marşallar maşını tez söndürsələr də, maşın tam sıradan çıxıb. Mexaniklər maşını sıralanma turuna bərpa etmək üçün tam çalışmalıdırlar.

Sebastyan Fettel sessiyanın əvvəlində bir neçə dövrə vurub, sessiyanın çox hissəsini boksda keçirib – mühəndislər problem tapıblar, amma son dəqiqələrdə trasa qayıdan almaniyalı sürücü protokollara başçılıq edib…

Nəticələr belə olub: