FİA arxa antiqanadın hərəkətli elementinin – DRS sisteminin Barselona avtodromunda istifadə zonalarını təyin edib. Bu il reqlamentə uyğun olaraq İspaniyada da sürücülər trasın iki hissəsində DRS sistemini aktivləşdirə biləcəklər.
Keçən il olduğu kimi, əsas DRS zonası start-finiş düzlüyündə olacaq, maşınlar arasında intervalın ölçmə nöqtəsi isə sonuncu döngənin apeksində yerləşəcək. Bundan başqa sürücülər arxa antiqanadın hərəkətli elementini 9-cu və 10-cu döngələr arasındakı düzlükdə də aktivləşdirə biləcəklər – bu dəfə interval nöqtəsi 9-cu döngənin girişinə təsadüf edəcək…
