Yağışdan sonra qurumaqda olan tras. Kiçik yağış. Buldulu. Havanın temperaturu +17°-19° C, trasın temperaturu +18°-19° C

Mövsümün ilk Avropa yarışına komandalar çoxlu yeniliklər gətiriblər, amma birinci sərbəst yürüşlərdə yeniliklərlə tam işləmək mümkün olmayıb – səhər tezdən Barselonaya güclü yağış yağıb. Sürücülər sessiyaya yağış və keçid təkərləri ilə başlayıblar, yalnız sessiyanın sonunda sliklərdən istifadə etmək mümkün olub – bu uik-end Pirelli komandalara əlavə təkər dəsti verib ki, sürücülər trasda çox işləyə bilsinlər.

İki komanda məşqlərə test sürücülərini cəlb edib – Heykki Kovalaynen Caterham-də Şarl Piki, Rodolfo Qonsales isə Marussia-da Maks Çiltonu əvəz ediblər. Sürüşkən asfaltda trasdan çıxmalar və yerində fırlanmalar çox olub, amma ciddi insident baş verməyib.

Sessiyanın sonunda asfalt qurumağa başlayıb və nəticələr yaxşılaşıb, protokollarda liderlər bir-birini əvəz ediblər: yekunda Fernando Alonso birinci olub – 1:25.252. Censon Batton bir tam dövrə belə vura bilməyib – dünən gecə McLaren komandası komendant saatı rejimini pozmuşdu, amma əvvəldən deyilmişdi ki, komanda nəm trasda işləməyəcək…

Nəticələr belə olub:

Quru. Günəşli. Havanın temperaturu +22°-26° C, trasın temperaturu +24°-29° C

Komandalar mövsümün Avropa hissəsinin başlanmasına bir çox yeniliklər hazırlayıblar, keçən həftə isə onlardan çoxunu Mucello testlərində yoxlamışdılar. Bu gün testlərin proqramı davam etdirilib.

Birinci sessiyada dörd gənc sürücü iştirak edib. Jül Byanki Pol di Restanı (Force İndia), Valtteri Bottas Bruno Sennanı (Williams), Aleksander Rossi Heykki Hovalayneni (Caterham) və Dani Klos Narain Kartikeyanı (HRT) əvəzləyiblər.

Komandalar müxtəlif proqramlar üzrə işləyiblər, bəzi maşınlarda ölçmə cihazları quraşdırılıb – mövsümöncəsi testlərdə komandalar bu trasda səkkiz gün işləmişdilər, ona görə də indiki nəticələri müqayisə etmək imkanı əldə olunmuşdu. Sessiya sakit ötüşüb, sürücülər böyük məsafələr qət ediblər. Protokollara isə Fernando Alonso başçılıq edib – Ferrari Mucello testlərinə gətirmədiyi bir çox yenilikləri yoxlayıb.

Nəticələr belə olub:

Quru. Günəşli. Havanın temperaturu +21° C, trasın temperaturu +28° C

Sürücülər Barselona trasının konfiqurasiyasını əla bilirlər, mühəndislər isə sazlanmalarla yaxşı tanışdırlar, ona görə də bu gün səhər komandalar dərhal gətirdikləri yenilikləri yoxlamağa və yeni Hard təkərlərini sınamağa başlayıblar.

Yarno Trulli və Xayme Algersuari texniki problemlərlə üzləşiblər, sessiya insidentsiz ötüşüb, yalnız Pastor Maldonado çınqıllığa düşüb.

Protokollara Red Bull sürücüləri başçılıq ediblər, Mark Uebber komanda yoldaşından sürətli olub, Mixael Şumaher isə ən böyük məsafə qət edib…

Nəticələr belə olub: