Bu gün səhər tezdən məlum olub ki, Red Bull komandası İnfiniti ilə ikiillik müqavilə imzalayıb, amma Yaponiyanın Nissan konserninin premium brendi komandanın sadəcə sponsoru olacaq, Renault motorları isə adını dəyişməyəcək.
Əvəzində Renault loqotipləri RB7-nin üzərində daha nəzərəçarpan olacaq: motorun üzərində qapağın hər iki tərəfinə iri hərflərlə yazılacaq, pilotların şleminin vizorlarını bəzəyəcək, İnfiniti-nin loqotipləri isə arxa qanadda, burunda və sürücülərin kobinezonunda peyda olacaq.
Britaniyanın Autosport qəzetinə müsahibəsində şirkətin vitse prezidenti Əndi Palmer bildirib ki, “əvvəldən Renault motorlarını brendinq etmək fikrində deyildik, İnfiniti hər şeydə müəlliflik hüququnu qorumağa çalışır, əvvəlki motorlarına dının dəyişdirilməsi isə bizim bu prinsipimizə ziddir.”
Məlumdur ki, Renault və Nissan sıx münsaibətlərdə əməkdaşlıq edirlər, Alyans tərkibində Renault Nissan-ın səhmlərinin 44%-nə sahibdir, Nissan isə Renault-nun səhmlərinin 15%-nə sahibdir.
Komandanın başçısı Kristian Horner də qeyd edib ki, İnfiniti ilə müqavilə Renault ilə münasibətlərə təsir etməyəcək: “Biz Viri Şatiyondan olan kolleqalarımızla əməkdaşlığımızı davam etdirəcəyik, yaxın gələcəkdə Renault adı bizim maşınların üzərində qalacaq.”
