F-1.az xatırladır ki, 2017-ci ildə texniki reqlamentdə dəyişikliklər olsa da, Mercedes yenə də hər iki cəbhədə Dünya Çempionu titulunu qazana bilib.
Toto Volff: “Bu il çox əla keçdi. Builki çempionluq 2014-cü ildəki çempionluqla demək olar eynidir. 2014-cü ildəki qələbə vacib idi, çünki bunu etməli idik. Amma 2017-ci ildəki yeni qaydalar bizim gücümüzü isbat etdi. Göstərdik ki, bu işi doğrudan da bilirik. İşçilərimiz istedadlıdır və topladığımız resurslar bizə kömək etdi. Resurs dedikdə təkcə maddi tərəfdən yox, eyni zamanda texniki tərəfdən də bəhs edirəm. Məlumat yığımı və doğru tətbiq etmə də önəmli faktor idi. Yeni reqlament bizim qarşımızı kəsmək üçün gətirildi və biz də bunu çağırış kimi qarşıladıq”.
