Keçən il maliyyə problemləri üzündən HRT komandası fəaliyyətini dayandırmalı oldu. Biz artıq yazmışdıq ki, komandanı Amerika və Kanadanın Scorpion Group sərmayədarlar konsorsiumu almaq istəyir, amma İspaniyada dərc olunan AS qəzetinin məlumatına görə, HRT-nin əmlakını avtomobil ehtiyat hissələrinin utilləşdirilməsi ilə məşğul olan Teo Martin şirkəti alıb.
Qəzetin bildirdiyinə görə, Teo Martin HRT-nin 2011-ci və 2012-ci illər üçün hazırladığı şassilərini, şou-karını,treylerlərini, alətləri, avadanlıqlarını, mebellərini və digər əmlakını əldə edib – məbləğ barədə heç nə bildirilmir. Amma Teo Martin yalnız Cosworth motorlarını və Williams ötürmələr qutusunu almayıb – bunlar istehsalçılara qaytarılıb…
