F-1.az ehtimal edir ki, yeni müqavilə Lyuis üçün Formula 1-də sonuncu olacaq – britaniyalı pilot hətta yarış dəbilqəsini mismardan asmaq üçün şərtlərini də açıqlayıb.
Lyuis Həmilton: “Əgər 2022-ci ildə biz bütün mövsüm boyu ön cəbhədə mübarizə aparsaydıq, o zaman kim bilir indi mənim qərarım nə olardı. İnanıram ki, hər ilin sonunda sürücü özü-özünə sual verməlidir ki, karyerasının əvvəlindən çox olmasa da, eyni fədakarlıqla işləməyə davam etməyə hazırdırmı? Sürücü uğur qazanmaq üçün daim məşq etməyə və komanda ilə birlikdə işləməyə hazırdırmı?
Əgər nə vaxtsa ətalətlə hərəkət etdiyimi və axınla getdiyimi başa düşsəm, bu, o demək olacaq ki, mən artıq Formula1-də yerimə layiq deyiləm və dayanmalıyam.
Maraqlıdır, mən əlimdən gələnin ən yaxşısını verməyə davam edə bilirəmmi və istəyirəmmi? İndi cavabım müsbətdir”.
