F-1.az xatırladır ki, bəzi hallarda komanda dəyişən sürücülər artıq bu testlərdə yeni komandalarının maşınlarının sükanı arxasında oturmaq imkanı qazanırdılar, lakin Lyuis Həmiltonun vəziyyətində bu baş verməyəcək.
BBC Sport-un məlumatına görə, yeddiqat dünya çempionunun Əbu Dabidəki testlərdə Ferrari sükanı arxasında oturmaq şansı sıfırdır. Sürücünün Mercedes-lə müqaviləsi dekabrın sonuna qədər nəzərdə tutulub və mövsümün başa çatmasından sonra komanda Həmiltonun iştirakı ilə bir çox reklam tədbirləri planlaşdırıb ki, bunların bir hissəsi Lyuisin Formula1-də çıxış etdiyi bütün karyerası boyu istifadə etdiyi Mercedes komandası və mühərrikləri ilə vidalaşmağa həsr olunacaq.
Beləliklə, azarkeşlər Lyuis Həmiltonu Ferrari sükanı arxasında yalnız 2025-ci ildə görə biləcəklər.
