F-1.az bildirir ki, hər kəs baş verənlərlə bağlı söz tapmaqda çətinlik çəkir…
Roman Qrojan: “Mən həftəsonu boyu həm dolu, həm də boş çənlə maşının tempindən razı idim. Bu gün də sürətli idim və əminəm ki, startda Kevinin önündə olsaydım, liderlərlə mübarizə apara bilərdim. Biz hər şeyi təhlil edərək baş verənlərin səbəbini tapacağıq və daha güclü qayıdacağıq. Araşdırmaq lazımdır ki, bu, qaykaburandan qaynaqlanan problemə görə oldu, yoxsa mexanikin səhvinə görə? Bu gün xeyli xal itirdik, lakin daha sürətli olaraq, yaxşı nəticələr əldə edərək bunu unuda bilərik”.
Kevin Maqnussen: “Yarış yaxşı alınmışdı, buna görə də, baş verənlərlə barışmaq çox çətindir. Yüksək mövqelər uğrunda mübarizə aparırdıq, lakin hər ikimiz yarışı yarımçıq saxlamalı olduq. Çox məyus oldum. Əminəm ki, komanda olaraq bunun öhdəsindən gələcəyik və növbəti mərhələdə mübarizəyə qayıdacağıq”.
