F-1.az xatırladır ki, “qırmızı öküzlər”lə Renault arasındakı müqavilə ilin sonunda bitəcək və avstriyalı komandanın gələn ildən Honda mühərriklərinə keçməsi gözlənilir.
Helmut Marko: “Honda-nın edəcəyi dəyişikliklərdən xəbərdar olmaq istəyirik və onlar da bizə bu barədə məlumat verirlər. Yapon dilində bir neçə söz öyrəndim. Artıq şam yeməklərində onlarla söhbət edəcəyik. Nə edəcəklərini öyrənməyə çalışacağıq.
Red Bull bu il inkişaf edib. Amma Mercedes-ə çatmaq üçün resursunuz çox olmalıdır. Hər şey Renault-dan asılıdır. Onların hazırlayacağı mühərrik çempionatın taleyini dəyişə bilər. Şassi cəhətdən rəqiblərimizdən geri qalmırıq. Renault-ya güvənməsəm də, ümid edirəm ki, hər şeyi qaydasına salarlar”.
