F-1.az xatırladır ki, Britaniyadakı sıralanma turunun ilk sessiyasında asfaltla ilişmə az idi və tras yaş idi. Buna görə də tras qızdıqca nəticələr təkmilləşirdi. Peres sessiyanın bitməsinə 2 dəqiqə qalmış pis dövrə vurmamışdı, amma nəticələr sürətlə təkmilləşdiyi üçün meksikalı sürücü 16-cə olub və ikinci sessiyaya qala bilməyib.
Bu, meksikalı sürücünün ardıcıl 5-cı sıralanma turu uğursuzluğu olub. Çeko sonuncu dəfə Mayamidəki sıralanma turunda son sessiyaya qalmışdı.
Bütün çətinliklərə baxmayaraq, Red Bull komandası sürücüsünün arxasında duracaq.
Helmut Marko: “Peres sıralanma turunda yaşananları nəzarətə altına almalıdır. Yarış tempi yaxşıdır. Özü də bu trasda rəqiblərə çatmaq asandır. Şansı var. Sıralanma turunda isə özünün zəifliyinə və tez-tez yaşanan problemlərə görə geridə qalır. Bunun üzərində işləməlidir. Biz də bunun üzərində işləyəcəyik, çünki bir sürücümüz ən öndə olduğu halda, digərinin 16-cı yeri tutması doğru deyil”.
