F-1.az xatırladır ki, McLaren 2015-2017-ci illərdə Honda ilə tərəfdaşlıq etmiş və ən yaxşı nəticəsi 5-ci yer olmuşdu. Lakin Toro Rosso komandası Honda ilə çıxdığı ikinci yarışda 4-cü yeri qazana bilib.
Helmut Marko: “Alonso ilk yarışdan sonra Red Bull-a çatmaq istədi, amma ikinci yarışda Toro Rosso-dan geri qaldı. McLaren bu qədər güclü ola bilməzdi və onları geriyə salan təkcə Honda mühərrikləri deyildi. Renault mühərriyi ilə də düzlüklərdə çox zəifdirlər. Onlar təkcə hər yarış güclənən mühərriyi yox, həm də çoxlu pul itirdilər”.
Qeyd edək ki, Honda mühərrik müqaviləsinə görə McLaren-ə hər il 100 milyon avro və pulsuz mühərrik verirdi.
