Fransa-2018: Günün sürücüsü – Sebastyan Fettel

Elçin Zodorov

2016-cı ildən çempionatın təşkilatçıları “Günün sürücüsü” adlı yeni mükafat təsis ediblər. Mükafatın sahibi yarışın sonlarına yaxın çempionatın rəsmi saytında yerləşdirilmiş sorğunun nəticələrinə görə müəyyən edilir.

Fransa-2018: Günün sürücüsü – Sebastyan Fettel

24 İyun 2018, 20:51
1075
0

F-1.az xəbər verir ki, yarışa üçüncü yerdən başlayan, elə startdaca Bottasla toqquşaraq peletonun gerisinə düşən, lakin sonra beşinci yerə qədər yüksələ bilən Ferrari-nin sürücüsü Sebastyan Fettel “Günün Sürücüsü” seçilib. Alman sürücü bu il ardıcıl ikinci dəfə eyni ada layiq görülüb. Karyerasında 12-ci dəfə “Günün Sürücüsü” seçilən Fettel bu göstəriciyə görə Maks Ferstappeni keçərək liderliyə yüksəlib.

Qeyd edək ki, seçim azarkeşlərin səsverməsinə əsasən edilir. Səsvermə hər yarışın son 10 dövrəsi ərzində Formula1-in rəsmi internet saytında (f1.com/vote) keçirilir.

Yarış	Günün Sürücüsü
Avstraliya Qran Prisi	Fernando Alonso
Bəhreyn Qran Prisi	Pyer Qasli
Çin Qran Prisi	Daniel Rikkardo
Azərbaycan Qran Prisi	Şarl Lekler
İspaniya Qran Prisi	Lyuis Həmilton
Monako Qran Prisi	Daniel Rikkardo
Kanada Qran Prisi	Sebastyan Fettel
Fransa Qran Prisi	Sebastyan Fettel