F-1.az xatırladır ki, Ford şirkəti DFV mühərriyi ilə keçən əsrin 60-80-ci illərində ən güclülərdən olublar. Amerikanlar son çempionluqlarını 1994-cü ildə Benetton komandası ilə qazanmışdılar. Həmin il Mixael Şumaxer bir xal fərqlə sürücülər çempionatında qalib gələrək, Ford mühərriklərinə son çempionluğunu yaşatmışdı.
Amerika təmsilçisi Formula1-dəki son yarışını isə 2003-cü ildə Braziliyada qazanmışdı. Cankarlo Fizikella xaotik keçən yarışda qalib gələrək, həm Ford-a, həm də Jordan komandasına Formula1-dəki son yarış qələbəsini yaşatmışdı. Ümumilikdə isə Ford mühərriklə təmin etmək üzrə Formula1 tarixində 3-cü yeri tutur və 10 dəfə Dünya Çempionu titilunu qazanıb.
Ford 2000-ci ildə Stewart komandasını satın alıb, Jaguar adı ilə yarışdırsa da, bu proqram uğursuz olmuş və 2004-cü ildə 1 dollar qarşılığında Red Bull-a satılmışdı.
Deyv Perikak: “Formula1 həyəcanverici olsa da, Ford üçün əlverişli deyil. Qayıdacağımıza inanmıram”.
