Felipe Massa və onun Ferrari komandası Censon Battonun braziliyalı sürücünün ünvanına söylədiyi tənqidi fikirlərlə razı deyillər. Avstraliya Qran Prisinin ilk dövrələrində hər iki sürücü mövqe uğrunda gərgin mübarizə aparıblar, nəticədə britaniyalı sürücü rəqibini keçmək üçün şikananı kəsməli olub – mövqeyini geri qaytarmadığı üçün sütardlar Censonu pit-leyndən keçməklə cəzalandırıblar, sürücü isə podium uğrunda mübarizədən kənar qalıb.
Finişdən sonra Batton braziliyalı sürücünü günahlandırıb və bildirib ki, Felipe ona trasda yer saxlamayaraq, onu trasdan kənara çıxmağa məcbur edib. Lakin Felipe 11-ci dövrədə baş verən bu hadisənin belə təsviri ilə əsla razı deyil…
Felipe Massa: “Yəqin ki, siz də razılaşacaqsınız ki, bu əla qarşılaşma idi. Mən mövqeyimi müdafiə edirdim və o məni qabaqlaay bilmirdi. Censon çox cəhd elədi, amma hər dəfə mən mövqeyimi qoruya bilirdim. Sonra o məni qabaqlaya bildi, amma bunu qayadaları pozmaqla edə bildi. Censon mövqeyini qaytarmalı idi, o isə qaytarmadı, ona görə də cərimə olundu – hadisələr belə cərəyan edirdi…”
