F-1.az xatırladır ki, FİA mövsümün əvvəlində bildirmişdi ki, bu ildən etibarən vizor plyonkasının trasa atılması qadağan ediləcək. Ancaq o açıqlamadan sonrakı reaksiyaları görən FİA, bu qadağanı İspaniya QP-yə qədər təxirə saldığını bildirmişdi. İspaniyada isə növbəti dəfə bəyan etdi ki, bu qadağa Monako yarışına qədər təxirə salınır.
Daha sonra bu mövzuda nə edilə biləcəyi ilə bağlı müzakirələr aparılıb. Əvvəlcə bildirilib ki, sürücülər bu plyonkaları sürücü kabinəsində saxlaya bilərlər, amma sonra bunun yanğına səbəb ola biləcəyi üzə çıxıb.
FİA vəziyyətin bu yerdə olduğunu gördükdən sonra, qadağanı geri götürdüyünü komandalara bildirib.
Mercedes AMG-nin texniki direktoru Pəddi Lou bildirib ki, sərbəst yürüşlərdə vizor plyonkalarını tullamaq yenə qadağan olunacaq. Yarışda isə vizorlar üçün sadəcə 2 ədəd plyonkaya icazə veriləcək…
