Gələn il FİA keçmiş Formula1 sürücülərinin Qran Pri zamanı hakimliyə cəlb olunmasını davam etdirəcək, həmçinin, bu praktikanı digər çempionatlara da tətbiq edəcək…
Federasiyanın yeni prezidenti Jan Todtun təşəbbüsü ilə 2010-cu ildən yarışın gedişi zamanı hakimlik edən 3 stüarda vaxtılə Formula1-də çıxış etmiş sürücülərdən biri kömək etməyə başlayıb. Praktika göstərib ki, trasda baş verən bəzi halların təhlili zamanı onların təcrübəsi köməyə gəlib.
Mövsümün gedişində Alen Prost, Dəymon Hill, Əmerson Fittipaldi və Naycel Mənsell kimi dünya çempionları ilə yanaşı Conni Herbert, Aleks Vürs və Tom Kristensen kimi tanınmış peşəkarlar yeni rolda çxış ediblər.
Sürücülər və komandalar bu təşəbbüsü bəyəniblər və onu faydalı hesab ediblər…
Kristian Horner: “Bizim fikrimizcə, keçmiş sürücülərin yarışlara cəlb olunması təşəbbüsü özünü tam doğrultdu. Stüardlar trasda baş verənlər peşəkar gözlə baxmaq imkan əldə etdilər…”
