Artıq bir neçə gündən sonra Ferrari komandasının 2015-ci il mövsümü üçün hazırladığı yeni maşın təqdim olunacaq, ona görə də komandanın mətbuat xidməti hər gün maşınla bağlı məlumat verməklə azarkeşləri daim intizarda saxlayır – bu gün yeni maşının adı məlum olub.
Sürpriz baş verməyib, komanda ardıcıllığı qoruyub – yeni maşın SF15-T adlanacaq: ilk iki hərf Scuderia Ferrari brendini, sonrakı iki rəqəm təqvim ilini, T hərfi isə turbomotordan istifadəni göstərir.
F-1.az bir daha xatırladır ki, cümə günü internetdə təqdim olunacaq yeni maşın, iki gün sonra Xeresdə debüt edəcək – ilk iki günü sükan axrasında Sebastyan Fettel işləyəcək.
