F-1.az xatırladır ki, mövsümün ilk 8 yarışı koronavirus pandemiyasına görə azarkeşsiz olacaq və həftəsonu ərzində bütün işçilər maskada gəzməli olacaqlar. Hamının arasında ən az 1.5 metr fərq olmalıdır və fərqli komandaların işçilərinin bir-birlərilə söhbət etməsi qadağandır.
Frants Tost: “Avstriya yarışını keçirdiyi üçün Diter Mateşiçə və Red Bull-a təşəkkür edirəm. Beləliklə işə yenidən qayıda biləcəyik. Hökümətin razılığını almaq üçün çox iş gördülər. Helmut Marko səlahiyyətləri vasitəsilə hökümətlə uzun danışıqlar apardı.
Təbii ki, ilk yarış həftəsində ab-hava qəribə olacaq. Azarkeşlərin olmaması çox məyusedicidir. Ancaq bu, Formula1-in başlaması üçün atılmış addımdır. Təhlükəsizlik standartları çox sərtdir. Bunları onsuz da Faentsa və İngiltərədə tətbiq edirik. Bunun hesabına komanda iyunun 1-də işə qayıda bildi”.
