F-1.az xatırladır ki, Flavio Briatore Renault komandası ilə 2005-ci və 2006-cı illərdə Dünya Çempionu titullarını qazanıb. Ümumilikdə isə, italiyalı karyerası ərzində Mixail Şumaxer, Fernando Alonso və Censon Batton kimi sürücülərlə işləyib.
Briatore Formula1-in hazırkı vəziyyətindən heç də razı deyil: “Heyf ki, biz Formula1-i itirdik. Formula1-in köhnə vaxtları üçün çox darıxıram.
Vaxtında biz (Renault komandası) çox güclü idik və bu FİA-nın xoşuna gəlmirdi. Bizim güclü olmağımıza baxmayaraq, Formula1 əvvəllər olduğu kimi daha güclü idi.
İnsanlar artıq Formula1-in mühəndislər üçün Playstation oyunu olduğunu düşünür. Artıq Formula1 onlara maraqlı gəlmir və yarışlara baxmırlar.
Belə heç nəyə nail ola bilməzsiniz. Əgər düz yolu seçsəniz, hələ də şansınız var”.
