Daha əvvəl xal qazanmanın çox çətin olacağını deyən ispan sürücü yarışın yaxşı keçmədiyini qəbul edib.
Fernando Alonso: “Bəlkə daha yaxşısını edə bilərdik, amma ilk dövrədə səhv anda səhv yerdə oldum. Saynsla aramızda kiçik bir hadisə oldu və ondan sonra maşın qatarının arxasında qaldım. Bəlkə də 40 dövrə Saynsı izlədim. Censonla fərqli strategiyaları yoxladıq, lakin xal qazanmağımız mümkün deyildi. Qabağımızda maşın olmadıqda sürətli idik – diqqət yetirməli olduğumuz şeylərdən biri budur”.
