F-1.az xatırladır ki, Honda keçən il ən yavaş və ən etibarsız mühərrik istehsal etmişdi.
Fernando Alonso Honda barədə danışıb: “Keçən il zəif olduğumuz iki sahə var idi: dözümlülük və güc. Amma bu il indiyə qədər heç bir problem yaşamadıq. Buna görə məmnunuq.
Keçən il 12 mühərrik istifadə etdim. Belə bir şeyin olmasını bir də istəmirəm. Ona görə də güc qurğusunu yenidən dizayn etməli olduq. Testlərdən əldə etdiyimiz məlumatlar da müsbət yöndədir.
Qış aylarında nəyin baş verdiyini anlamaq çətindir. Siz həmişə daha güclü olmaq istəyərsiniz. Bu da vəziyyətə görə dəyişir. Elə gün olur ki, istədiyinizi əldə edə bilmirsiniz. Həm də gərək öz performansınızı rəqiblərin performansı ilə müqayisə etməyəsiniz.
Güc qurğusuna baxanda görürəm ki, Honda daha yaxşısını düzəldə bilər. Onlarda bu potensial var.
Şassidə isə test ediləcək çox şey var. Bolidin arxa tərəfini yenidən dizayn etdik. İndi yeni detallar istifadə edib, daha sürətli olmaq istəyirik.
Avstraliya QP-də hamı eyni təkərlərdə və eyni yanacaq yükü ilə yarışacaq və orada bütün sualların cavabı bilinəcək”.
