F-1.az xatırladır ki, ispaniyalı sürücü Avstraliya yarışında yüksək sürətlə qorxulu qəza keçirmişdi. Bu qəzadan sonra Alonso boliddən özü çıxsa da, qabırğası sındığı üçün sonrakı Bəhreyn yarışına çıxa bilməmişdi.
Fernando Alonso: “Qabırğamda hələ də ağrı hiss edirəm”.
İkinci sərbəst yürüşlərdə qəza edən Həmilton isə xırda qəzalara görə yarışmalarına icazə verilməməsinə etiraz edib. Qeyd edək ki, Həmilton dünənki qəzadan sonra tibbi mərkəzə göndərilmişdi.
Lyuis Həmilton: “MotoGP-də qırıq biləklə və qabırğa ilə yarışırlar. Bizim barmağımız ağrıyanda da yarışa buraxmaq istəmirlər. Heç bir problemim olmadığı üçün şanslıyam. Tibbi komanda əla işlədi”.
