F-1.az xatırladır ki, Liberty Media yeni təqvimi tərtib edərkən iştirakçıların Portuqaliyadan dərhal bura gəlmələrində yarana biləcək çətinlikləri nəzərə almışdı və İmoladakı həftəsonunun 2 günlük formatda olacağını açıqlamışdı. Dünən baş tutan yeganə sərbəst yürüşlərdə Lyuis Həmilton protokollara başçılıq edib. Sıralanma turunda isə Valtteri Bottas onu cüzi fərqlə üstələyərək poulu əldə edib və qələbə üçün vacib addım atıb.
Yarışa ilk cərgədən Bottasla Həmilton, ikinci cərgədən Ferstappenlə Qasli, üçüncü cərgədən isə Rikkardo ilə Elbon başlayıblar.
Pirelli buraya C2, C3 və C4 tərkiblərini gətirib. Sürücülər cümə günü işləmədiklərindən, hamıya ümumi 10 dəst (2 dəst Hard, 2 dəst Medium və 6 dəst Soft) təkər verilib. Qasli, Rikkardo, Elbon, Lekler, Kvyat, Norris, Sayns və Covinatsi Soft, digər sürücülər isə Medium təkərlərlə yarışa başlayıblar.
İsinmə dövrəsində Qaslinin maşınının güc qurğusunda problem aşkar edilsə də, fransız sürücü yarışa başlayıb.
Startda Bottas yerini qoruyub, Ferstappen Həmiltonu, Rikkardo isə Qaslini üstələyib. Lekler də bir mövqe yüksəlib. Covinatsi sonuncu yerdən 14-cülüyə qədər yüksəlib. Stroll Okonla təmasdan sonra ön qanadını qırıb və vaxtından əvvəl pit-stop etməli olub. 2-ci dövrədən sonra ilk onluq: Bottas – Həmilton – Ferstappen – Rikkardo – Qasli – Lekler – Elbon – Kvyat – Norris – Sayns.
İlk üçlük bir-birinə yaxın olsa da, hücumlar etmək mümkün olmayıb. Rikkardo və dogər sürücülər onlardan tədricən geri qalmağa başlayıblar. Sayns 6-cı dövrədə komanda yoldaşını ötüb. Yarışa problemlərlə start verən Qasliyə komanda tərəfindən göstəriş verilib və o, boksa gələrək yarışı dayandırmalı olub.
Qrojan 10-cu, Covinatsi 11-ci, Rassell 12-ci, Lekler, Norris və Okon 14-cü, Rikkardo, Elbon və Kvyat 15-ci, Sayns 18-ci, Ferstappen 19, Bottas isə 20-ci dövrədə təkərlərini dəyişib. Valtteri trasa Maksın önündə qayıda bilib. Liderliyə yüksələn Həmilton ardıcıl ən sürətli dövrələrini vurub və trasda qalmağa davam edib. Okon mübarizəni dayandırıb və trasdan bir qədər kənarda dayanıb. Virtual Təhlükəsizlik Maşını rejimi elan olunub.
Həmilton fürsətdən istifadə edərək təkərlərini dəyişib və böyük üstünlük əldə edərək trasa qayıdıb. Maqnussen 29-cu, Latifi isə 35-ci dövrədə pit-stop edib.
Bottas 37-ci dövrədə səhvə yol verib. maks hücum məsafəsinə qədər yaxınlaşsa da, ötmə mümkün olmayıb. Fettel pit-stopda xeyli vaxt itirib. Valtteri 6 dövrə sonra yenə səhvə yol verib, Maks bu dəfə bağışlamayıb və ikinci yerə yüksəlib. Maqnussen 48-ci dövrədə ötürmələr qutusundakı problemə görə dayanıb.
Rəykkönen 50-ci dövrədə pit-stopa yollanıb. 2-ci dövrədən sonra ilk onluq: Həmilton – Ferstappen – Bottas – Peres – Rikkardo – Lekler – Elbon – Kvyat – Sayns – Norris.
51-ci dövrədə Ferstappenin arxa sağ təkəri partlayıb və maşın çınqıllığa düşüb. Təhlükəsizlik Maşını trasa daxil olub, sürücülər dərhal pit-stopa yollanıblar. TM arxasında təkərlərini qızdırmağa çalışan Rassell səhvə yol verərək maşını divara çırpıb və mübarizə onun üçün də başa çatıb.
Stroll pit-stop zamanı əyləci gec basıb və mexaniklərdən birinin yıxılmasına səbəb olub. Restart 57-ci dövrədə verilib, Lyuis liderliyini qoruyub. Kvyat dərhal Lekler və Peresi keçib. Rusiyalı sürücü Lekleri də geridə qoyub. Elbon sürətli dövrə vurmaq üçün yenidən təkərlərini dəyişsə də, Lyuis buna imkan verməyib. Stüardlar Qrojana tras limitlərini dəfələrlə pozduğu üçün 5 saniyəlik cəza veriblər.
Lyuis Həmilton mövsümdə 9-cu, karyerasında isə 93-cü qələbəsini əldə edib. Valtteri Bottas ikinci olub, Mercedes ardıcıl 7-ci dəfə Mühəndislər Kubokunun sahibi olub. Daniel Rikkardo mövsümdə ikinci dəfə podiuma yüksəlib. Mövsümdə ilk dəfə hər iki Alfa Romeo sürücüsü xal zonasına düşə bilib.
Çempionat iki həftə sonra Türkiyədə davam edəcək…
| Yer | N | Sürücü | Komanda | Zaman/Fərq | Pit |
| 1 | 44 | Lyuis Həmilton | Mercedes AMG | 1:28.32,430 | 2 |
| 2 | 77 | Valtteri Bottas | Mercedes AMG | + 0:05.783 | 2 |
| 3 | 3 | Daniel Rikkardo | Renault | + 0:14.320 | 1 |
| 4 | 26 | Daniil Kvyat | AlphaTauri | + 0:15.141 | 2 |
| 5 | 16 | Şarl Lekler | Ferrari | + 0:19.111 | 1 |
| 6 | 11 | Serxio Peres | Racing Point | + 0:19.652 | 2 |
| 7 | 55 | Karlos Sayns | McLaren | + 0:20.230 | 2 |
| 8 | 4 | Lando Norris | McLaren | + 0:21.131 | 2 |
| 9 | 7 | Kimi Rəykkönen | Alfa Romeo | + 0:22.224 | 1 |
| 10 | 99 | Antonio Covinatsi | Alfa Romeo | + 0:26.398 | 1 |
| 11 | 6 | Nikolas Latifi | Williams | + 0:27.135 | 1 |
| 12 | 5 | Sebastyan Fettel | Ferrari | + 0:28.453 | 2 |
| 13 | 18 | Ləns Stroll | Racing Point | + 0:29.163 | 3 |
| 14 | 8 | Roman Qrojan* | Haas | + 0:32.935 | 2 |
| 15 | 23 | Aleksander Elbon | Red Bull | + 0:57.284 | 2 |
* – tras limitlərini dəfələrlə pozduğu üçün 5 saniyəlik cəza alıb.
Sürətli dövrə: Lyuis Həmilton (Mercedes) – 1:15.484 (63-cü dövrə)
MÜBARİZƏNİ DAYANDIRANLAR:
| Sürücü | Komanda | Dövrə | Səbəb |
| Corc Rassell | Williams | 52 | qəza |
| Maks Ferstappen | Red Bull | 51 | qəza |
| Kevin Maqnussen | Haas | 48 | ötürmələr qutusu |
| Esteban Okon | Renault | 28 | mexaniki problem |
| Pyer Qasi | AlphaTauri | 9 | soyutma sistemi |
SÜRÜCÜLƏRİN ÇEMPİONATI:
| Yer | N | Sürücü | Ölkə | Komanda | Xal |
| 1 | 44 | Lyuis Həmilton |  |
Mercedes AMG Petronas | 282 |
| 2 | 77 | Valtteri Bottas |  |
Mercedes AMG Petronas | 197 |
| 3 | 33 | Maks Ferstappen |  |
Aston Martin Red Bull Racing | 162 |
| 4 | 3 | Daniel Rikkardo |  |
Renault DP World F1 Team | 95 |
| 5 | 16 | Şarl Lekler |  |
Scuderia Ferrari | 85 |
| 6 | 11 | Serxio Peres |  |
BWT Racing Point F1 Team | 82 |
| 7 | 4 | Lando Norris | |
McLaren F1 Team | 69 |
| 8 | 55 | Karlos Sayns |  |
McLaren F1 Team | 65 |
| 9 | 23 | Aleksander Elbon | |
Aston Martin Red Bull Racing | 64 |
| 10 | 10 | Pyer Qasli |  |
Scuderia AlphaTauri Honda | 63 |
| 11 | 18 | Ləns Stroll |  |
BWT Racing Point F1 Team | 57 |
| 12 | 31 | Esteban Okon | |
Renault DP World F1 Team | 40 |
| 13 | 26 | Daniil Kvyat |  |
Scuderia AlphaTauri Honda | 26 |
| 14 | 5 | Sebastyan Fettel |  |
Scuderia Ferrari | 18 |
| 15 | 27 | Niko Hülkenberq | |
BWT Racing Point F1 Team | 10 |
| 16 | 7 | Kimi Rəykkönen | |
Alfa Romeo Racing | 4 |
| 17 | 99 | Antonio Covinatsi |  |
Alfa Romeo Racing | 4 |
| 18 | 8 | Roman Qrojan | |
Haas F1 Team | 2 |
| 19 | 20 | Kevin Maqnussen |  |
Haas F1 Team | 1 |
MÜHƏNDİSLƏR KUBOKU:
| Yer | Komanda | Motor | Xal |
| 1 | Mercedes AMG Petronas F1 Team | Mercedes | 479 |
| 2 | Aston Martin Red Bull Racing | Honda | 226 |
| 3 | Renault DP World F1 Team | Renault | 135 |
| 4 | McLaren F1 Team | Renault | 134 |
| 5 | BWT Racing Point F1 Team | Mercedes | 134 |
| 6 | Scuderia Ferrari | Ferrari | 103 |
| 7 | Scuderia AlphaTauri Honda | Honda | 89 |
| 8 | Alfa Romeo Racing | Ferrari | 8 |
| 9 | Haas F1 Team | Ferrari | 3 |
