F-1.az xatırladır ki, Pirelli Formula1-ə 2011-ci ildə qayıdıb. İtaliyalı təkər istehsalçısı idmana tez yeyilən, beləliklə də yarışa strategiya cəhətdən həyəcan gətirən təkərlər gətirib.
Amma Ekklstoun fikirləşir ki, sürücülər daha gec yeyilən təkərlər istəyir. Formula1-in başçısı bildirib ki, o gələn həftə Milanda Pirelli ilə bu barədə danışıqlar aparacaq.
Ekklstoun əlavə edib ki, komandalar Pirelli-nin inkişaf etməsinə kömək etməlidirlər: “Pirelli Formula1 komandaları üçün təkərlər istehsal edir. Ona görə də sürücülər mükəmməl təkərlər üçün Pirelli-yə kömək etməlidirlər”.
Ekklstoun son illərdə keçirilən təkər testləri haqqında da fikir bildirib: “Bizə limitləri aşan və sonra bizə məlumat verə bilən sürücülər lazımdır. Pirelli də mənimlə razıdır. Onlar da bunu istəyir. Ən yaxşı komandalar ən yaxşı sürücüləri ilə testlərdə iştirak etməlidirlər”.
