F-1.az xatırladır ki, Alonso zədələndiyi üçün Bəhreyn yarışında iştirak edə bilməmişdi və onu Vandorn əvəzləmişdi. Vandorn bu yarışdan xalla ayrılmışdı. Vandorn gələn ildən etibarən McLaren-də ilk tam mövsümünü keçirəcək və Alonsonun komanda yoldaşı olacaq.
Bulye gənc sürücünün hazır olduğundan əmindir: “Stoffel istedadını aşağı kateqoriyalarda göstərdi. Onun yarışa biləcəyindən əmin idim. O, digərlərinin təcrübəsinə sahib deyil, amma onları məğlub edərək böyüyə bilər. Bəhreyndə əla yarışmışdı. O, Formula1-də yarışmaq üçün hazır olduğunu göstərdi. O, gələn il bizi inkişaf etdirə bilər. Komandadakı digər sürücülərin təcrübəsindən faydalana bilər. Vandorn hələ gəncdir və öyrənə biləcəyi çox şey var”.
