F-1.az xəbər verir ki, Kvyat gələn il həm FİA Dünya Dözümlülük Çempionatında (WEC), həm də IMSA Michelin Dözümlülük Kubokunda rəsmi Iron Lynx komandası ilə yarış proqramı ərəfəsində Lamborghini Ligier şassi prototipinin sınağı və inkişafı ilə məşğul olacaq.
Lamborghini-ni İtaliya bayrağı altında təmsil edəcək 28 yaşlı rusiyalı artıq WEC LMP2 sinfində Iron Lynx partnyoru Prema-nın şərəfini qoruyur.
O, bu vəzifəni adı açıqlanmayan Lamborghini LMDh maşını üzərindəki “geniş” işlə birləşdirmək niyyətindədir: deyilənlərə görə, yeni maşın ilk dəfə yayın əvvəlində trasa çıxacaq.
Kvyat Red Bull və onun törəmə komandası AlphaTauri ilə Formula1-də cəmi altı mövsüm keçirib. Onun sonuncu Qran Prisi 2020-ci ildə baş tutub, bundan sonra Alpine onu bir il müddətinə ehtiyat sürücü kimi işə götürüb.
Daniil Kvyat: “Lamborghini Squadra Corse-yə qoşulduğum üçün çox xoşbəxtəm, bu mənim üçün böyük şərəfdir.
Lamborghini avtomobil dünyasında uzun tarixə malik çox məşhur italyan markasıdır və İtaliyada böyümüş mənim üçün bu, qürur duymaq üçün əlavə səbəbdir.
Ümid edirik ki, məqsədə birlikdə nail olacağıq, etimada görə minnətdaram və işə başlamağı səbirsizliklə gözləyirəm”.
Kvyat çempionatda İtaliya lisenziyası əsasında çıxış edəcək.
