F-1.az xəbər verir ki, konfransda çıxış edən Red Bull-un sürücüsü Daniel Rikkardo bu il yarışlarda sıralanma seanslarına nisbətən yaxşı təsir bağışlayacaqlarını bildirib: “Sıralanma turunda uzun yürüşlər olmur… Yarışlarda daha güclü olacayıq. Bir neçə ildir ki, Formula1-dəyəm və yaxşı bir şassinin bizim üçün nə demək olduğunu əla bilirəm. Testlərə əsasən deyə bilərəm ki, şassimiz yaxşıdır. Amma məlum olmayan şey Mercedes AMG və Ferrari şassilərinin hansı vəziyyətdə olmalarıdır. Mən hələ də onların üstün olacaqlarını gözləyirəm. Biz keçmişdəki kimi mövsümboyu maşınımızı inkişaf etdirə bilsək, onlarla mübarizə aparacayıq. Amma bunlar sadəcə təxminlərdir…”
