F-1.az bildirir ki, avstraliyalı sürücü Monakoda MGU-K problemləri yaşasa da, mükəmməl performansla mövsümdə ikinci qələbəsini qazanıb.
Xatırladaq ki, Rikkardo iki il əvvəl də Monakoda yarışa pouldan başlasa da, komandasının pit-stopdakı səhvinə görə qələbəni əldən verərək, ikinciliyə razı olmuşdu.
Daniel Rikkardo: “İki ildir bunu gözləyirdim və axır ki, o yarışı kompensə etdim. Problemlərimiz var idi. Radiodan bunları necə anladınız bilmirəm, amma çətin idi. Birdən güc itirməyə başladım və o an yarışın bitdiyini düşündüm. 6-cı ötürmədən yuxarı qalxa bilmədim, amma inanılmaz formada qalib gəldik. Şübhələrim olsa da, nəhayət ki, Monakoda qalib gəldik. Özümü çox yaxşı hiss edirəm. Məni dəstəkləyənlərə təşəkkür edirəm. Yarışda bütün hisslər bir-birinə qarışdı. Amma hazırda xoşbəxtəm”.
