Ferrari Yaponiya Qran Prisində Red Bull komandasından güclü görünsə də, aldıqları cəzalar üzündən yarışı 4-cü və 5-ci yerlərdə bitirmişdi.
Daniel Rikkardo: “Ferrari-nin son zamanda çox sürətli olduğunu düşünürəm. Yaponiyada yaxşı yarışdılar və daha da sürətli olacaqlarını gözləyirdik. Yaponiyada bəzi döngələrdə güclü, bəzi döngələrdə isə zəif idik. Fettelin podiuma çıxacaq bolidi olduğunu düşünürdük, ancaq elə olmadı. Böyük ehtimalla bolid gözləniləndən daha zəif idi. Buna baxmayaraq, onların burada güclü olacağını gözləyirəm. Ferrari-ni qabaqlamaq üçün işimizi düzgün görməliyik”.
