F-1.az bildirir ki, motor tədarükcüsü Renault ilə münasibətlərini düzəldən və RB12-yə effektiv yeniliklər gətirən Red Bull hazırda Mercedes AMG-nin ən ciddi rəqibidir.
Daniel Rikkardo: “Maşında etdiyimiz hər dəyişiklik müsbət nəticə verir. Təbii ki, bunda bizim mühəndislərlə apardığımız fikir mübadilələrinin də rolu ola bilər. Komandaya gəldiyimdən bəri ən yaxşı mövsümümü keçirirəm. Maşında yoxladığım bir çox şey işləyib”.
Qeyd edək ki, son yarışlarda Ferrari-ni keçərək Mühəndislər Kubokunda 2-ci yerə yüksələn komanda Malayziya Qran Prisində 43 xal toplayaraq yerini daha da möhkəmlədib. Hazırda italiyalı rəqiblərini 46 xallıq fərqlə üstələyirlər və son 5 yarışda da bu üstünyülü qoruyacaqları real görünür…
