F-1.az xatırladır ki, Avstraliya yarışının son dövrələrində Maqnussen problem yaşamış və bolidi trasın kənarında saxlamışdı. FİA isə yarışı qırmızı bayraqla saxlamış və sonra yerindən startla yenidən başlatmışdı. Buna görə də 4 sürücü mübarizəni dayandırmışdı.
Devid Kulthard: “Bəli, Maqnussen divara çırpıldı, təkəri partladı və trasda çoxlu qırıntı buraxdı. Ancaq buna görə qırmızı bayraq çıxarmaq lazım deyildi. Məni təəccübləndirən budur.
Düzdür, çətin vəziyyətdir. Belə hallarda stüardlar, yarış direktoru çətin vəziyyətdə olur. Amma həmişə səhv qərar verməkdən qorxurlar və çox ehtiyatla qərar verirlər. Sözün açığı, təhlükəsizlik maşını bəs idi”.
