Quru. Günəşli. Havanın temperaturu +14°-15° C, trasın temperaturu +26°-30° C

Bu gün səhər Mercedes AMG maşınları yenə də hamıdan bir baş üstün olublar. Düzdür, əvvəlcə sessiyaya Niko Rosberq başçılıq edib – Lyuis Həmilton isə ilk sürətli dövrəsində səhvə yol verdiyi üçün boksa qayıdıb və sessiyanın ikinci yarısında trasa qayıdıb. Amma elə ilk dövrəsindəcə komanda yoldaşından çox sürətli olub.

Digər komandalar “gümüşü ox”lara çata bilməyiblər – yalnız Ferrari sürücüləri təxminən bir saniyə uduzublar. Red Bull və Toro Rosso sürücüləri də pis görünməyiblər, amma sessiyanın sonuna yaxın Felipe Nasr onların hamısını üstələyib.

Sessiyanın gedişində kifayət qədər kiçik səhvlər olub – Həmilton, Sayns, Ferstappen, Palmer, Massa trasdan çıxıblar, 1-ci və 14-cü döngələrdə isə hamı tras kənarına səhayət etməli olub. Buna baxmayaraq, ciddi insident yaşanmayıb. F-1.az xatırladır ki, nahardan sonra məşqlər davam edəcək…

Nəticələr belə olub:

Quru. Günəşli. Havanın temperaturu +18°-21° C, trasın temperaturu +26°-32° C

Niko Rosberq nahara qədər sərbəst yürüşlərdə ən yaxşı nəticə göstərib. Bir il əvvəl Çində yeganə qələbəsini qazanmış almaniyalı sürücü öz komanda yoldaşı Lyuis Həmiltonu yarım saniyə qabaqlayıb. Üçüncü olmuş Mark Uebber Nikoya təxminən bir saniyə uduzub.

Tozlu trasda sessiya çox ləng başlayıb – sürücülər bircə dövrə vurduqdan sonra boksa qayıdıblar. Yarım saat heç kim sürətli dövrəyə çıxmayıb – ilk nəticə Esteban Qutyerresdən gəlib. Onun ardınca sürücülər trasa çıxıblar.

Tezliklə Censon Batton liderliyə yüksəlib, sonra Adrian Sutil onun nəticəsini yaxşılaşdırıb, sonra Felipe Massa liderliyi ələ alıb. Amma ilk üç nəticə cəmi 0.3 saniyəyə yerləşib. Sessiyanın sonuna yarım saat qalmış Mercedes AMG komandasının sürücüləri öz sürətlərini nümayiş etdirərək protokollara başçılıq ediblər – sonra hamı çoxlu yanacaqla yarışı imitasiya etməyə başlayıb.

Nəticələr belə olub:

Buludlu. Sessiyanln əvvəlində qurumaqda olan tras, sonra quru tras. Havanın temperaturu +14° C, trasın temperaturu +15° C

Şanxayda məşqlər idealdan uzaq şəraitdə keçib. uzun müddət tras gecədən yağmış yağışdan sonra nəm olub, sessiyanın ortasında isə trası qatı duman bürüyüb, ona görə də sessiyanın çox hissəsini sürücülər boksda keçirməli olublar.

Komandalar təkər seçimində aciz olublar – sliklərlə maşın hər bir döngədə sürüşüb, keçid təkərlər isə tez qızdırığı üçün bir neçə dövrədən sonra effektliyini itirib.Faktiki olaraq, sürücülər mühəndislərin hazırladıqları yeniliklər yoxlaya bilməyiblər.

Üç ehtiyat sürücüsü üçün bu cür vəziyyət lap məyusedici olub – Force İndia-da Pol di Resta öz yerini Jül Byankiyə verib, Williams-da Valtteri Bottas Bruno Sennanı əvəz edib, Caterham-də isə Vitaliy Petrov kənardan Qyedo van der Qardeni izləməli olub.

Son on dəqiqədə 22 sürücü sliklərlə trasa tələsib – yalnız Lotus sürücüləri texniki problemlər üzündən trasa çıxa bilməyiblər.

Damalı bayraqlar altında ən yaxşı nəticəni Çin Qran Prisinin keçənilki qalibi Lyuis Həmilton göstərib – 1.37,106, britaniyalı sürücü rəqiblərini bir saniyədən çox qabaqlayıb.

Nəticələr belə olub:

Quru. Buludlu. Havanın temperaturu +28° C, trasın temperaturu +31° C

Sebastyan Fettel və Mark Uebber nahardan əvvəl rəqiblərindən çox sürətli olublar. Yekun protokollarda almaniyalı sürücü komanda yoldaşını 0.6 saniyə qabaqlasa da, üçüncü olmuş Lyuis Həmiltonu 2 saniyədən çox üstələyib.

Lotus Renault GP komandası üçün ardıcıl ikinci Qran Pri uik-endi uğursuzluqla başlayıb – Nik Haydfeld sessiyanı beşinci nəticə ilə başa vursa da, 10-cu döngənin çıxışında qəzaya uğrayıb. Nikin komanda yoldaşı Vitaliy Petrov sessiyanın böyük hissəsini boksda keçirib.

Team Lotus komandasının ehtiyat sürücüsü Luis Razia ön qanadı və ön sol təkərin asılqanını dağıdıb, Pastor Maldonado yeddinci döngədə trasdan çıxıb, Liutsinin maşının isə son dəqiqələrdə trasda donub. Timo Qlok yalnız son 15 dəqiqəni trasda işləyə bilib.

Serxio Peresin 7-ci və Heykki Kovalaynenin 14-cü nəticələrini xüsusi qeyd etmək lazımdır. Maraqlıdır ki, bütün sürücülər 107%-lik səddi keçə biliblər.

Nəticələr belə olub: