F-1.az bildirir ki, sessiya başladıqdan beş dəqiqə sonra dayandırılıb. Buna səbəb tibbi helikopterin dumana görə havaya qalxa bilməməsi olub. Yaşıl bayraqlar 40 dəqiqə sonra dalğalandırılıb. Sürücülər məşqlərə başlayıblar, lakin trasın vəziyyətinin yaxşılaşmadığı məlum olub.
Sessiya səhvsiz ötüşməyib – doqquzuncu döngədə Haas-ın hər iki sürücüsü trasdan çıxıb. Startdan bir saat sonra isə Niko Hülkenberq idarəetməni itirib və maşını çınqıllığa düşüb, bundan sonra Virtual Təhlükəsizlik Maşını rejimi elan edilib. Bir qədər sonra isə sessiya havanın vəziyyəti ilə əlaqədar qırmızı bayraqlarla dayandırılıb. Hətta hava şəraitinə görə Şanxaydakı hava limanı da bağlanıb.
Sona 10 dəqiqə qalmış sürücülər artıq boksları tərk etməyə başlayıblar. Beş dəqiqə sonra isə sessiyanın yenidən başlanmayacağı elan edilib. Yalnız 14 sürücünün nəticə göstərdiyi məşqlərdə Maks Ferstappen protokollara başçılıq edib – 1:50.491.
Sürücülər nahardan sonra işləməyə davam edəcəklər…
| Yer | N | Sürücü | Komanda | Zaman | Fərq | Dövrə |
| 1 | 3 | Maks Ferstappen | Red Bull | 1:50.491 | – | 4 |
| 2 | 19 | Felipe Massa | Williams | 1:52.086 | + 0:01.595 | 7 |
| 3 | 18 | Ləns Stroll | Williams | 1:52.507 | + 0:02.016 | 7 |
| 4 | 55 | Karlos Sayns | Toro Rosso | 1:52.840 | + 0:02.349 | 5 |
| 5 | 8 | Roman Qrojan | Haas | 1:53.039 | + 0:02.548 | 6 |
| 6 | 26 | Daniil Kvyat | Toro Rosso | 1:53.314 | + 0:02.823 | 4 |
| 7 | 14 | Fernando Alonso | McLaren | 1:53.520 | + 0:03.029 | 5 |
| 8 | 3 | Daniel Rikkardo | Red Bull | 1:54.038 | + 0:03.547 | 7 |
| 9 | 77 | Valtteri Bottas | Mercedes AMG | 1:54.664 | + 0:04.173 | 4 |
| 10 | 20 | Kevin Maqnussen | Haas | 1:55.104 | + 0:04.613 | 8 |
| 11 | 27 | Niko Hülkenberq | Renault | 1:55.608 | + 0:05.117 | 6 |
| 12 | 2 | Stoffel Vandorn | McLaren | 1:57.445 | + 0:06.954 | 4 |
| 13 | 9 | Markus Eriksson | Sauber | 2:15.138 | + 0:024.647 | 4 |
| 14 | 36 | Antonio Covinatsi | Sauber | 2:15.281 | + 0:024.790 | 4 |
| 15 | 30 | Colion Palmer | Renault | – | 3 | |
| 16 | 5 | Sebastyan Fettel | Ferrari | – | 2 | |
| 17 | 7 | Kimi Rəykkönen | Ferrari | – | 1 | |
| 18 | 31 | Esteban Okon | Force İndia | – | 2 | |
| 19 | 11 | Serxio Peres | Force İndia | – | 3 | |
| 20 | 44 | Lyuis Həmilton | Mercedes AMG | – | 2 |
