F-1.az xatırladır ki, FİA-nın yarış direktoru Çarli Uaytinq martın 14-də səhər saatlarında ağciyər emboliyasına görə dünyasını dəyişib. Beynəlxalq Avtomobil Federasiyası mövsümün ilk yarışı üçün Uaytinqin əvəzinə Maykl Masini təyin edib.
Qeyd edək ki, Masi daha əvvəl Avstraliya Superkar yarışlarında yarış direktorunun köməkçisi vəzifəsində işləyib. Masi bu vəzifəni Skot Elkinslə birlikdə icra edəcək, eyni zamanda F2 və F3 yarışlarının da direktoru olacaq.
FİA bu barədə belə açıqlama verib: “Yarış direktoru, təhlükəsizlik nümayəndəsi və yarışın startını verəni Çarli Uaytinqdir. Amma FİA-nın beynəlxalq qanunlarının 11.9.3b maddəsinə əsasən Avstraliya Qran Prisində bu vəzifə Maykl Maziyə tapşırılacaq”.
