F-1.az xəbər verir ki, FİA-nın yarış direktoru və təhlükəsizlik məsələləri üzrə səlahiyyətli nümayəndəsi Çarli Uaytinq bir neçə saat əvvəl Avstraliya Qran Prisi üçün getdiyi Melburnda gözlənilmədən vəfat edib. Ölüm səbəbinin ağciyər emboliyası olduğu bildirilir.
Avtoidmanda uzun müddət müxtəlif vəzifələrdə çalışan Uaytinq 1988-ci ildən FİA-nın Formula1-də texniki məsələlər üzrə səlahiyyətli nümayəndəsi, 1997-ci ildən isə Formula1-in yarış direktoru və təhlükəsizlik məsələləri üzrə səlahiyyətli nümayəndəsi idi.
