F-1.az xatırladır ki, britaniyalı sürücü Avstriyada sıralanma turunun son sessiyasında qəza edərək, mübarizəni dayandırıb. Yekunda 5-ci olan gənc pilot, Peresin cəza alması ilə 4-cü yerə yüksəlib.
Corc Rassell: “Bəxtimiz gətirmədi. Qəzanın zədələrini araşdırmalıyıq. Belə səhvdən sonra bəxtəvər ola bilməzsiniz. Üçüncülük şansımız var idi. Lakin bacarmadıq. Komandaya görə məyusam.
Boliddə müsbət yöndə inkişaf var. Lakin arxayınlaşmaq olmaz. Lyuis əla yarışırdı. Rəsmən uçurdu. Mən deyəsən sıralanma turunda düzgün sazlanma seçmədim. Ancaq bu sazlanmalar yarış üçün yaxşı ola bilər”.