F-1.az xatırladır ki, Valtteri Bottasın müqaviləsi ilin sonunda başa çatacaq. Lakin onun komandada qalacağı artıq inandırıcı görünmür. Mercedes komandası öz akademiyasının yetirməsi olan Corc Rasseli artıq 3 ildir ki, Williams-da yarışdırır. Əgər gənc sürücü bu il də komandaya gətirilməsə, əldən çıxa bilər. Buna görə də “gümüşü oxlar” gənc sürücünü komandaya gətirmək istəyir.
Amma xəbərdə o da qeyd edilib ki, komandanın yeddiqat Dünya Çempionu Lyuis Həmilton bu xəbərə görə heç də sevinməyib, əksinə məyus olub.
Corc Rassell Mercedes-ə gələcəyi təqdirdə Valtteri Bottasın Alfa Romeo-ya getməsi gözlənilir. Williams komandası isə Rasselin əvəzinə Aleksander Elbon və ya Nik de Vrizi gətirə bilər.
