F-1.az xatırladır ki, britaniyalı sürücü ilk 9 yarışdan sonra Vandorn və Erikssonla bir yerdə xal ala bilməyən 3 sürücüdən biridir.
Colion Palmer: “Silverstoun mənim evimdir və burada yarışmaq üçün həyəcanlanıram. Oraya Avstriyadakı yaxşı həftəsonundan sonra gedirəm və tempimi qorumaq istəyirəm. Publikamın önündə yarışmaq üçün səbirsizlənirəm. Trası çox sevirəm və Silverstoundakı hər yarış xüsusi olur. Burada həmişə fanlar olur və yarışı həyəcanla izləyirlər. Bu da sürücülərə əlavə motivasiya verir. Oraya ilk dəfə gedəndə 6 yaşım var idi. Bu qədər xatirə ilə orada olmaq çox gözəldir və həmişə yeni şeylər öyrənirəm. Silverstoun ən yaxşı tanıdığım trasdır. Ümid edirəm ki, publikamın dəstəyi mənə üstünlük qazandırar. Çoxlu yüksək sürətli döngələr var və burada sürmək həzz verir. Silverstoundakı ilk yarışıma 15 yaşımda çıxmışdım və trası buna görə də əla tanıyıram. Karyeram ərzində bir neçə dəfə podiuma yüksəldim. Buna Formula2-dəki qələbə və GP2-dəki podiumlarım da daxildir”.
