F-1.az xatırladır ki, dünənki hər iki sərbəst yürüşlərdə Maks Ferstappen hamıdan sürətli olub, bugünkü yeganə və son məşqlərdə isə Şarl Lekler fərqlənib.
İlk sessiyada sürücülər qurumaqda olan trasa çıxıblar – Leker, Sayns, Sarcent, Maqnussen və Hülkenberq keçid təkərlərini seçib, qalanları isə sliklərdən istifadə edib. Trayektoriya tamamilə quruyub və onun xaricində az hissə yaş olub. Həmilton belə yerlərdən birində fırlanaraq çınqıllığa çıxıb və yoluna davam edib.
Hamı quru təkərlərinə keçib, çox mülayim yağış başlayıb, lakin mane olmayıb. Elə bu anda Bottasın motor güc itirdiyi üçün trasda dayanması ilə qırmızı bayraqlar dalğalanıb. Fasilə 10 dəqiqə olub və sürücülər mübarizəyə davam ediblər.
Ferstappen pit çıxışında təmas yaşayaraq ön qanadı zədələyib və mexaniklər onu dəyişməli olublar. Norris 1:28.917 ilə protokollara başçılıq edib. Maqnussen, de Friz, Çjou, Tsunoda və Perez üçün mübarizə başa çatıb.
İkinci Sessiyada hamı Soft təkərlərlə boksları tərk edib. Norris əvvəlcə hamıdan sürətli olsa da, Ferstappen onu keçib – 1:27.720. Nəticə göstərməyən Bottasla yanaşı, Sarcent, Okon, Stroll və Hülkenberqin start düzümündəki yerləri bəlli olub.
Son sessiyada gərgin mübarizə olub. Əvvəlcə Həmilton, daha sonra Norris, ardınca da Ferstappen ilk cəhdlərində növbə ilə liderliyə yüksəliblər. Sonlara yaxın mübarizə daha da qızışıb. Norris ən yaxşı vaxtı təyin edib, Piastri ondan bir qədər geri qalıb. Lakin Ferstappen yenə də həlledici dövrəni vura bilib – 1:26.720.
Beləliklə, Maks Ferstappen ardıcıl beşinci, mövsümdə yeddinci, karyerasında isə 27-ci poulunu əldə edib. Sabah yarışa onun yanından Lando Norris başlayacaq. İkinci cərgə Oskar Piastri və Şarl Leklerin, üçüncü cərgə isə Karlos Sayns və Corc Rassellindir.
Bizi çox maraqlı Britaniya Qran Prisi gözləyir…
SIRALANMA TURUNUN NƏTİCƏLƏRİ
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 1 | Maks Ferstappen | Red Bull | 5 | 1:29.428 | 11 | 1 | 1:27.702 | 9 | 1:26.720 | 6 |
| 2 | 4 | Lando Norris | McLaren | 1 | 1:28.917 | 11 | 3 | 1:28.042 | 9 | 1:26.961 | 6 |
| 3 | 81 | Oskar Piastri | McLaren | 14 | 1:29.874 | 11 | 2 | 1:27.845 | 9 | 1:27.092 | 6 |
| 4 | 16 | Şarl Lekler | Ferrari | 2 | 1:29.143 | 11 | 6 | 1:28.361 | 8 | 1:27.136 | 6 |
| 5 | 55 | Karlos Sayns | Ferrari | 12 | 1:29.865 | 12 | 5 | 1:28.265 | 8 | 1:27.148 | 6 |
| 6 | 63 | Corc Rassell | Mercedes | 3 | 1:29.412 | 10 | 10 | 1:28.782 | 8 | 1:27.155 | 6 |
| 7 | 44 | Lyuis Həmilton | Mercedes | 4 | 1:29.415 | 11 | 8 | 1:28.545 | 8 | 1:27.211 | 6 |
| 8 | 23 | Aleksander Elbon | Williams | 7 | 1:29.466 | 11 | 4 | 1:28.067 | 8 | 1:27.530 | 6 |
| 9 | 14 | Fernando Alonso | Aston Martin | 15 | 1:29.949 | 10 | 7 | 1:28.368 | 8 | 1:27.659 | 6 |
| 10 | 10 | Pyer Qasli | Alpine | 8 | 1:29.533 | 11 | 9 | 1:28.751 | 7 | 1:27.689 | 6 |
| 11 | 27 | Niko Hülkenberq | Haas | 9 | 1:29.603 | 11 | 11 | 1:28.896 | 6 | ||
| 12 | 18 | Ləns Stroll | Aston Martin | 6 | 1:29.448 | 11 | 12 | 1:28.935 | 8 | ||
| 13 | 31 | Esteban Okon | Alpine | 10 | 1:29.700 | 11 | 13 | 1:28.956 | 7 | ||
| 14 | 2 | Loqan Sarcent | Williams | 13 | 1:29.873 | 11 | 14 | 1:29.031 | 8 | ||
| 15 | 77 | Valtteri Bottas | Alfa Romeo | 11 | 1:29.798 | 11 | 15 | – | 0 | ||
| 16 | 11 | Serxio Peres | Red Bull | 16 | 1:29.968 | 11 | |||||
| 17 | 22 | Yuki Tsunoda | AlphaTauri | 17 | 1:30.025 | 11 | |||||
| 18 | 24 | Quanyu Çjou | Alfa Romeo | 18 | 1:30.123 | 11 | |||||
| 19 | 21 | Nik de Friz | AlphaTauri | 19 | 1:30.513 | 11 | |||||
| 20 | 20 | Kevin Maqnussen | Haas | 20 | 1:32.378 | 7 | |||||
