F-1.az bildirir ki, tras tamamilə quruyub və komandalar ilk sessiyada itirdikləri vaxtı kompensasiya etməyə çalışıblar. Bir çox yenilik gətirilib, həm onları yoxlamaq, həm də sazlanmalar və təkərlər üzərində işləmək lazım olub. Hamı ilk dəqiqələrdənboksları tərk edib.
Williams komandası qırmızı aerodinamik boyadan istifadə edib. Lakin yeniliklər yalnız Elbonun maşınında olub, Latifi isə köhnə paketlə işləyib. Mercedes, AlphaTauri, Haas, Alfa Romeo və Aston Martin sürücüləri proqramı bölüşüblər – vaxta qənaət etmək üçün müxtəlif tərkiblərlə trasa çıxıblar. Güclü külək bir neçə dəfə trasdan çıxmalara səbəb olub, lakin geniş qaçış zolaqları qəzaların qarşısını alıb.
Həmilton və Sayns güclü yırğalanmadan, Qasli asfaltla ilişmənin azlığından, Lekler isə ötürmələr qutusundan şikayətlənib. Fettel maşının altlığını zədələyib və xeyli vaxt itirib. Okon isə yan pantonda yaranan çata görə məşqləri vaxtından əvvəl başa vurub.
Son yarım saat ərzində sürücülərin çoxu qırmızı təkərlərə keçərək sürətli dövrələr vurublar, lakin yenə də keçən il analoji sessiyadakı nəticədən 2 saniyə yavaş olublar. Protokollara 1:28.942-lik nəticə ilə Karlos Sayns başçılıq edib. Məşqlər sabah davam edəcək…
| Yer | N | Sürücü | Komanda | Zaman | Fərq | Dövrə |
| 1 | 55 | Karlos Sayns | Ferrari | 1:28.942 | – | 28 |
| 2 | 44 | Lyuis Həmilton | Mercedes | 1:29.105 | + 0:00.163 | 21 |
| 3 | 4 | Lando Norris | McLaren | 1:29.118 | + 0:00.176 | 29 |
| 4 | 1 | Maks Ferstappen | Red Bull | 1:29.149 | + 0:00.207 | 18 |
| 5 | 16 | Şarl Lekler | Ferrari | 1:29.404 | + 0:00.462 | 25 |
| 6 | 14 | Fernando Alonso | Alpine | 1:29.695 | + 0:00.753 | 19 |
| 7 | 11 | Serxio Peres | Red Bull | 1:29.753 | + 0:00.811 | 17 |
| 8 | 63 | Corc Rassell | Mercedes | 1:29.799 | + 0:00.857 | 29 |
| 9 | 3 | Daniel Rikkardo | McLaren | 1:29.902 | + 0:00.960 | 26 |
| 10 | 18 | Ləns Stroll | Aston Martin | 1:29.942 | + 0:01.000 | 17 |
| 11 | 77 | Valtteri Bottas | Alfa Romeo | 1:30.000 | + 0:01.058 | 29 |
| 12 | 5 | Sebastyan Fettel | Aston Martin | 1:30.057 | + 0:01.115 | 20 |
| 13 | 31 | Esteban Okon | Alpine | 1:30.238 | + 0:01.296 | 12 |
| 14 | 23 | Aleksander Elbon | Williams | 1:30.263 | + 0:01.321 | 14 |
| 15 | 24 | Quanyu Çjou | Alfa Romeo | 1:30.271 | + 0:01.329 | 27 |
| 16 | 22 | Yuko Tsunoda | AlphaTauri | 1:30.338 | + 0:01.396 | 29 |
| 17 | 20 | Kevin Maqnussen | Haas | 1:30.480 | + 0:01.538 | 27 |
| 18 | 10 | Pyer Qasli | AlphaTauri | 1:30.510 | + 0:01.568 | 28 |
| 19 | 47 | Mik Şumaxer | Haas | 1:30.609 | + 0:01.667 | 29 |
| 20 | 6 | Nikolas Latifi | Williams | 1:31.326 | + 0:02.384 | 27 |
