FİA arxa antiqanadın hərəkətli elementinin – DRS sisteminin Belçikada istifadə zonalarını təyin edib. Xatırladaq ki, son reqlamentə uyğun olaraq, Spada da Formula1 sürücülərini iki DRS zonası gözləyir.
F-1.az federasiyanın rəsmi saytına istinadən bildirir ki, əgər birinci döngədən sonrakı düzlükdə yerləşən deteksiya nöqtəsində maşınlar arasında interval bir saniyədən az olarsa, onda arxadakı sürücü növbəti düzlükdə arxa antiqanadın hərəkətli elementindən istifadə etmək hüququ qazanacaq. Əgər sonuncu döngələr ardıcıllığının girişində ikinci deteksiya nöqtəsində inerval yenə də bir saniyədən az olarsa, onda qısa start-finiş düzlüyündə də arxadakı sürücü DRS-i aktivləşdirə biləcək.
